Laser Security Alert System
Laser Security Alert System ဆိုသည်မှာ မိမိလုပ်ငန်း၊ နယ်မြေ၊ စက်မှုဇုန်များသို့ ဝင်ရောက်ကျူးကျော်လာသူများ၊ လှုပ်ရှားမှုများကို သိရှိနိုင်ရန်အတွက် လေဆာစနစ်ကို အသုံးပြုထားသည့် လုံခြုံရေးစနစ်အမျိုးအစားတစ်ခုဖြစ်ပြီး ကြီးမားကျယ်ပြန့်သော စက်မှုလုပ်ငန်းနေရာများ၊ နယ်မြေများတွင် အသုံးပြုကြပါသည်။ သူ၏လုပ်ဆောင်ချက်များမှာ- တစ်စုံတစ်ယောက် ၊ အရာဝတ္ထုတစ်ခု (သို့) ကျူးကျော်ဝင်ရောက်သူများသည် သတ်မှတ်ထားသော နေရာသို့ဖြတ်သည့်အခါတွင် Sensors ပါသော လေဆာရောင်ခြည် မှ အချက်ပေးမြည်သံစနစ်များ ပေါ်ထွက်လာပြီး အသုံးပြုသူထံသို့လည်း Message Notification ချက်ချင်းဝင်လာမည်ဖြစ်ပါသည်။ ကျွနု်တို့ကုမ္ပဏီမှ ဤဝန်ဆောင်မှုကို ရှမ်းပြည်နယ်၊ အင်းလေးကန်ရှိ "Sein Hla Nanda သဘာဝမြေဩဇာကုမ္ပဏီ"တွင် အသုံးပြုထားပါသည်။
Smart Farm System
Smart Farm System သည် လယ်ယာမြေများ၊ စိုက်ပျိုးရေးမြေကွက်များနှင့် သီးသန့်စိုက်ပျိုးထားသော စိုက်ခင်းဧရိယာများတွင်အသုံးပြုသော နည်းစနစ်တစ်ခုဖြစ်ပါသည်။ သူ၏လုပ်ဆောင်ချက်များမှာ- မြေဆီလွှာအစိုဓာတ်လိုအပ်နှုန်း၊ အပူချိန်လိုအပ်မှု၊ သဘာဝမြေဆီအာဟာရလိုအပ်ချက်များ၊ အခန်းတွင်းလေဝင်လေထွက်နှုန်း၊ အလင်းရောင်ရရှိမှုနှုန်းများကို ချိန်ညှိပေးပြီး အချိန်နှင့်တပြေးညီ လိုအပ်ချက်များကို လူများမှလုပ်ဆောင်ရန်မလိုဘဲ စက်ကိရိယာများက အချိန်နှင့်တပြေးညီ လုပ်ဆောင်ပေးသွားမည်ဖြစ်ပါသည်။ ဤစနစ်ကိုအသုံးပြုခြင်းအားဖြင့် မိမိတို့အသီးအနှံများစိုက်ပျိုးခြင်းနှင့် ပတ်သက်၍ သီးနှံထွက်နှုန်းတိုးတက်မှုများကို မြှင့်တင်ပေး၍ အကုန်အကျစရိတ်များမှုများနှင့် ရေသုံးစွဲမှုများကိုလျှော့ချပေးပြီး ဓာတ်မြေဩဇာနှင့် ပိုးသတ်ဆေးအသုံးပြုမှုနည်းပါးလာစေခြင်းတို့ကို လုပ်ဆောင်နိုင်မည်ဖြစ်ပါသည်။
Automatic Hand Wash System
Automatic Hand Wash ဆိုသည်မှာ ဆပ်ပြာ၊ ရေနှင့် လက်သန့်ဆေးများကို ထိတွေ့မှုမရှိဘဲ Sensor စနစ်ဖြင့် အလိုအလျောက် လက်ဆေးသည့်စနစ်ဖြစ်ပါသည်။ ဤနည်းပညာကို ဆေးရုံများ၊ ကျောင်းများ၊ အချို့သောအစိုးရဌာနအဆောက်ဦးများနှင့် လိုအပ်သောနေရာများသို့ လှူဒါန်းရန်အတွက် ထုတ်လုပ်ထားခြင်းဖြစ်ပါသည်။
Smart Room System
Smart Room Controller ဆိုသည်မှာ သုံးစွဲသူများအား အကောင်းမွန်ဆုံးနှင့် အံ့ဩစရာကောင်းသော ဇိမ်ခံမှုများကိုပေးစွမ်းနိုင်သည့် ခေတ်မီဆန်းသစ်သည့် နောက်ဆုံးပေါ်ထုတ်ကုန်တစ်ခုဖြစ်ပါသည်။ အသုံးပြုသူများသည် Single Controller တစ်ခုတည်းဖြင့် အခန်းတစ်ခုလုံးရှိ Television, Air Conditioner, Lighting Socket စသည့်စက်ပစ္စည်းကိရိယာများကို ထိန်းချုပ်မှုများ ပြုလုပ်နိုင်မည်ဖြစ်ပါသည်။
Automatic Tank Gauge System
ATG ဆိုသည်မှာ ဆီကန်မှာရှိသည့် ဆီပမာဏကို အလိုအလျှောက် တိုင်းတာသည့်စနစ်ဖြစ်ပါသည်။ ဆီကန်အတွင်းရှိ ဆီပမာဏ၊ ရေပါဝင်မှု၊ ဆီကန်၏အပူချိန်နှင့် ဆီအဝင်အထွက်စာရင်းများကို လအလိုက်၊ နှစ်အလိုက် ကြည့်ရှုနိုင်ခြင်း၊ Internet မှလည်း ATG System ကို အချိန်မရွေး အသေးစိတ်ကြည့်ရှုနိုင်ခြင်း၊ အချိန်နှင့်အမျှ ဆီလက်ခံမှု၊ ဆီလက်ကျန်၊ ဆီလေလွင့်မှုနှင့် ဆီယိုစိမ့်မှုများကို အချိန်နှင့်တပြေးညီ တိုင်းတာနိုင်သည့် ATG System ဖြစ်ပါသည်။
Smart Water System
Smart Water Controller ဆိုသည်မှာ Cloud-based Application မှတစ်ဆင့် အိမ် (သို့) အဆောက်အဦးများတွင် ရေစုပ်စက်များကို စောင့်ကြည့်ထိန်းချုပ်ပြီး ရေအသုံးပြုမှုကို ထိန်းညှိပေးနိုင်သည့် ခေတ်မီအဆင့်မြင့်သော စက်ကိရိယာတစ်ခုဖြစ်ပါသည်။ ယုံကြည်စိတ်ချရပြီး နောက်ဆုံးပေါ် Sensor စနစ်များကို ထည့်သွင်းထားခြင်းကြောင့် ရေစုပ်စက် (၂) လုံးအထိ ထိန်းချုပ်နိုင်ပြီး တခြားသော လျှပ်စစ်ကာကွယ်ရေးလုပ်ဆောင်ချက်များကိုလည်း လုပ်ဆောင်နိုင်မည်ဖြစ်ပါသည်။ ဤခေတ်မီနည်းပညာစနစ်ကိုအသုံးပြုခြင်းအားဖြင့် ရေအသုံးပြုမှုကို အလေအလွင့်မဖြစ်စေရန်အတွက် များစွာအထောက်အကူပြုစေမည်ဖြစ်ပါသည်။
